你D炒米茶真系好得！我生完照飲！又瘦左8磅
去水腫好掂👍
我由生完2個幾月，瘦左35磅

你地既湯水同上奶茶都好味呀。
對於我地3無D媽媽 (無陪月,無工人,無長老幫手) 有時真係飯都無時間食..有啖湯水濕下口,好緊要。我唔食魚架!其實個心好驚飲唔到魚湯..但你地既魚湯好正,又唔腥,好好味!!^^

湯水夠大壺又夠熱 好足料 好滿意呀 餐方面呢 好多款式 唔會食到厭 清淡得黎又夠味道 讚👍🏿
菜就比較少d款 不過都明白 坐月唔係乜菜都食得既 糖水又好味又唔甜 好食😋
炒米茶好味 好岩飲
沖涼液果d 我見好多薑呀 超好用👍🏿
因為惡露未清晒 就未試豬腳薑 但一定唔會差啦 對你好有信心
成個月子餐我好滿意呀 好彩媽媽谷有人介紹我幫襯你地

比預產期提前5周緊急開刀的我
事前沒有請陪月 也沒有請長輩幫忙坐月
還好訂了你們的炒米茶和湯
（我還沒懷孕就已經想訂盧太太）
而你們亦很好 知道我情況後 把炒米茶直接送到醫院病房門外給我
在醫院一直都只飲你們的炒米茶 沒有飲水
加上兒子留在醫院時間都不短 一直沒法埋身餵人奶🥺
而我最後不能夠完全上奶 只是一個半人奶半奶粉的媽媽
但都好感謝你們的茶和湯水 讓我可以不需要找長輩幫忙情況下
又有足夠的時間可以去休息
前後訂了兩個月的湯和炒米茶 很棒
祝大家身體健康 生活愉快🤗

盧太，我嘅套餐星期一就完啦，你段日子，我好多謝你既幫忙，尤其要讚揚你們的送貨哥哥，佢吾只打份工，佢係好落力幫我們，即使任何天氣，晴天兩天，大汗搭細汗，佢都係滿滿笑容，踏實勤勞地，好樂意地將飯盒送到我們手上，呢份工一個人楂車又要揾路，並限時侯送到客人手上，時間急趕，其佢吾容易做，我要特別在此讚揚他的超好的工作態度，令我對你們的服務十分滿意，雖然我不知他的稱呼, 我仍想在此讚揚他的表現，是為令人欣賞上進勤奮青年人。

你好呀！坐月都還可以啦，超級唔夠訓😑

你地啲月子餐同湯水非常之好呀！老公同大仔都係咁食同飲呀！薑醋又好味（婆婆同親戚朋友告知），果然無選錯你地，同埋好多謝你啲寶貴意見同解答，有問題問你，你會回覆，仲要係非常詳盡，感謝！

司機叔叔又超好人，每日都會將個袋放係門口，司機叔叔更換好新既，又會whatsapp我，超級盡責，又問題又會同我講！

一個字，好！亦非常謝謝你❤

盧太太湯水足料好味沒有味精的住家湯，很方便在職媽媽😄
BB 加固後母乳生產量下跌，多得你們的湯水令我有營養又可維持一定的奶量給寶寶。
飲了你們的湯水已4個月了，囡囡亦已一歳，總算不用擔心追奶問題😄
謝謝你們的幫忙，一定會推薦給身邊朋友，祝生意興隆🤗🤗

好好丫
我覺得月子餐D款式都幾多變化👍🏻而且味道唔會過咸，好適合產後媽媽食
湯水非常足料，火候夠，絕對係誠意之作👍🏻
我一定會推介比其他朋友😆

你地D湯水真心好正
我出院之後個幾日一直都上唔到奶
到你地一開始送湯黎 飲左兩日
奶量已經由20-30ml 直上 過百ml
依家日日飲湯 keep 住每次泵親都有200 幾ml
你地d 湯仲經我媽呢個味精scaner 認證 證明100%足料無味精 😂😂
已推介左比黎緊會生bb 既朋友 佢都話要訂黎飲下